ChatGPT (聊天生成預訓練轉換器) 嘅出現，令人工智能 (AI) 喺生活上應用掀全球關注，自2022年11月面世至今，已超過一年半，到底AI有無融入你生活呢？ChatGPT定位是生成式AI，當你同佢傾偈時，佢回覆不限於文字，也可以係圖像、歌曲和電腦程式等，難怪上線兩個月已逾億用戶。若你至今重未體驗ChatGPT，一定要知道呢個消息——今年6月下旬其開發公司OpenAI宣佈，自7月9日起終止對中國提供API (應用程式設計發展介面) 服務。
本身OpenAI並未開放內地及港澳地區使用ChatGPT，但透過VPN (虛擬私人網路)「繞道」或「套殼」企業在港不乏有用到ChatGPT嘅機會，故此OpenAI新措施會對香港直接或間接用戶構成影響。雖然ChatGPT能涵蓋藝術文化創作和電腦程式生成應用；不過對於現在還未開始接觸生成式AI嘅香港人，上述功能同普羅大眾生活有幾密切，大家心裡有數。然而，若你今日喺網絡世界唔識用搜尋器，生活上有幾大障礙大家可以想像得到；同樣地在兩、三年後你還未識得同AI溝通獲取資料和建議，將帶來生活上的不便。
筆者留意一間喺港上市嘅AI公司喺7月推出文字生成式AI手機應用程式，畀公眾免費下載應用，於是一試效果。隨即感受到遠勝網絡搜尋器應用，後者現時搜尋方式係透過輸入「關鍵詞」。而對文字生成式AI，你只要輸入文字 (語音亦可) 提問訊息，便能收到文字 (語音亦可) 回覆，不但搵到所需資料，更有資料出處網址，同埋AI提供嘅建議，畀用戶可以更人性化搵到心目中想要嘅答案。另想指出免費版ChatGPT資料庫更新一直惹人詬病，不過上述免費程式，已能提供最新資訊。
例如問「呢個星期香港有咩新戲上映」(提問日期是7月8日)，收到回覆「根據搜索結果，上週在香港上映的新戲包括《全謊位登月》、《玩轉腦朋友2》、《DDDD 惡魔的破壞前章》、《名偵探柯南：100萬美元的五稜星》和《死侍與狼人》。此外，《海關戰線》是在7月5日公映的。其他電影如《全職乖孫》、《重案夢幻重組再重組》等也已經公佈了即將上映的日期。」你當然可再問AI邊套值得推薦，以及其他相關問題，明顯應用可以融入我哋生活。既然有公司免費程式做到如此地步，不難想像市面上陸續會出現功能更強嘅免費程式，相信不久將來，AI與手機一樣會成為我們生活必需品。
金缸經
註：專欄作家言論不代表本網立場
