幾乎每個街口都會見到有女著嘅Lululemon(LULU)周三出業績，利伸無買過呢隻股票，純粹出於好奇想睇業績上特別之處。自疫情低位上升2倍嘅Lululemon，市值達500億美元，僅僅落後於Nike(2,600億)及Adidas(600億)之後。1.每條瑜珈褲袋$570比較Nike、Adidas及Lululemon，毛利率最高係LULU嘅57％。換句說話係當你用1000蚊港紙買條瑜珈褲，LULU落袋有570蚊，430蚊會去咗啲料到，同樣計法Nike及Adidas落袋係460蚊及520蚊。但唔係話LULU用料重本？咁係因為用家好滿意，滿意到Lululemon根本唔需要減價，所以個邏輯賣得貴，所以用料嘅成本佔收入唔高。2.口碑取勝一向以口碑取勝嘅Lululemon，直接銷售收入(即係online賣)去到52%，拗離Nike及Adidas的35%及21%，截至2020年報。以呢個角度睇Lululemon品牌效應，死忠fans會乘乘地自己上網買，中間慳返唔少sales，聽講舖頭員工係叫做educator，個個都健康人生咁嘅款，即係正面版A&F？不過廣告成本(無拆開嚟講)都係唔平，所以最後淨利潤三間差唔多︰Nike:12.2%｜Lululemon:11.8%｜Adidas10.6%。3.貴得有道理曾經Under Armour(UAA)有過剎那間嘅希望搶贏Nike，不過最後都淪落到去咗Outlet減價區，股價亦都一樣大減價，較高位做緊半價。返嚟Lululemon只要可以長年企硬唔減價，都仍然keep得住fans，69倍PE估值貴得有道理，增長亦保持強勁，解釋緊LULU比Nike 46倍PE多一半的理由。最後提埋大家周三盤後出Q2業績，分析師預期EPS$1.18｜收入13.29億
貴得有道理嘅瑜珈褲Lululemon｜華爾街戰線
|
