早前網上流傳片段拍到華人置業（127）前主席劉鑾雄（大劉）現身旗下商場，大罵男途人，而身旁女子正是舊愛呂麗君（現改名為呂姵霖），外界更猜測二人關係是否破冰。大劉事後發聲明澄清二人沒有復合，但由於各界仍然對事件提出不少疑問，故此大劉更於今日（3日）召開記者招待會親自交代。
當中最令人注目的相信是大劉與舊愛呂麗君的關係。大劉此前在聲明已表示，與「呂小姐」2014年分手後不相往來，二人只屬於小朋友父母親的關係，惟最近因呂麗君有事相求，才到皇室堡的寫字樓簽署相關商業交易文件。
唔想講呂麗君有何困難
會上有記者問到呂麗君有何困難？大劉拒絕透露，表示「我真係唔想講，我做人係今日留一線、他日好相見，更加唔會趕盡殺絕任何人，唔只呂麗君。有留意財經金融地產嘅人好快會知，我就唔方便講，如果唔係為咗仔女，我極度唔想幫」。
有市場消息就指出，呂小姐近年在金融市場失利，甚或輸到破產。翻查資料顯示，2020年曾有本地媒體《港股策略王》引述消息報道，呂麗君手持一批恒大債券及佳兆業債券被追孖展而斬倉，據稱單是債券部份損失數以億計。當時報道又指，由於呂麗君想急進翻身，所以孤注一擲做大倉，可惜疫情爆發成為最後一根稻草。
此外，大劉今日在記者會再度強調是基於一對子女才出手，又指「最唔想畀人見到我同呂麗君一齊」、「唔想人誤會以為復合」。被問到對呂麗君為人有甚麼評價？他稱，「你問我關於呂小姐，我真係唔方便comment佢，如果講，真係講七七四十九日都講唔完，大家要紮營喺到講」。他又指妻子陳凱韻（甘比）沒有為此不開心，「我可以好簡單答你，點值得啫？」
斥「挨柱」男途人自私自利
至於在旗下商場銅鑼灣皇室堡大罵男途人「挨柱」，劉鑾雄今日在會上回應事件，稱或者是公司處理得不好，「畀個男人踎咗喺條柱嗰度」，他又指對方叫極都不願起身，行為自私自利，「嗰時我過唔到，過到嘅方法係挨住其他人過」，但大劉擔心與其他途人碰撞及絆倒，加上當時見大部份人沒有戴口罩，自認屬於高危人士的他，甚為怕受感染。
讚劉鳴煒好肯做善事
劉鑾雄亦回應分身家問題，他指除了與甘比3位子女，其他家人也有，包括與呂麗君的子女及與寶詠琴的子女，強調身家並非全屬於陳凱韻。他又提到其大仔劉鳴煒，「佢除咗讀書叻，做得嘢都事小，佢都好肯好肯做好多善事，呢個係最開心。唔想人哋以為陳凱韻同佢屋企人奪取所有身家，怕人誤會呢件事。」
