最近大市繼續無視所謂衰退徵兆，2年期10年期債息兩年半以嚟首次倒掛。但唔覺唔覺部份龍頭Big Tech年內回報開始陸續轉正數，AAPL年內升1%﹔AMZN年內升1.6%﹔TSLA年內升4%。
再數落去整體晶片板塊相對幾落後，費城半導體指數年內仍然要跌10%，相對大市跌3.4%，係咪有得追？
除Nvidia有GTC發佈會之外，其他半導體想有得升，似乎都需要啲event或業績幫手。例如係美光科技(MU)交出beat and raise業績，指引第3季每股盈利$2.36至$2.56，高於預期的2.24﹐其中值得留意係來自數據中心收入增長超過60％，推到股價盤前升4%。
回復和平？定彈出彈入？
隔晚肥料股及油股大冧定princ in俄烏停火，其中有睇開的MOS早段一倒跌逾一成後收窄，加埋隻OXY亦較高位回10%。
係咪炒完？最少後者油價仍然係處於供應緊張狀態，其中American Petroleum Institute話原油供應減少300萬桶，遠多過早前分析師預期3倍。
加上而OPEC+亦都懶理你話托市托價，相信好難叫到佢哋推高每月增產40萬桶呢個數字。
