美股上周五以一個大反彈來中止六連跌，目前頂多可以話熊市短線反彈，越殘就越吸引，如果以散戶死心投降作為見底訊號的話，仍然遠遠未到。
以ARKK為例，截至5月13日的一周錄得5.34億美元淨流入，為連績5個星期有錢流入。即使拉闊畫面，ARKK過去一年跌53％，仍然見15.5億元淨流入。
傳統智慧會話咁樣撈法係接飛刀，但投資者更怕一止即升。苦惱應止蝕定企硬的不止於散戶，細摩JPM對中概股的評級及目標價，純粹以投資角度去睇，都幾乎處於最差的位置。
以中概科網ETF (KWEB)為例子，JPM在3月14日最低位出報告指中概股不能投資(univestable)，KWEB隨即大彈4成。 然後KWEB升幅在陸續收縮至不足15％時，在5月11日話報告用字出錯，5月16日就推翻自己，重新調高評級及目標價。
例如係BABA，3月14日JPM給予目標價由$180減至$65，5月16日就由$75睇高至$130。
聯聯儲主席鮑威爾周三凌晨有演講，繼續要睇佢點講下次會議加息幾多口。
