美股今輪跌勢加劇，原因仍然離不開聯儲局，鮑威爾應對通脹的言論再度強硬，甚至不會猶豫加息加至中性利率以上。所謂中性利率，即係貨幣政策不會推高或拉但經濟增長。以往2%通脹時，中性利率係2至3%。不過今次通脹至少最保守去估都4%以上，如果真係加到中性利率以上，則完全超越市場預期的3％。
以往跌市指定動作Fed put，即係聯儲聯救市或放輕加息步伐，投資者5月時估緊約3500點就會令鮑威爾停手，如果如仍然仲有存在的話，個人認為仍然太樂觀。
片入面會解釋點解大家都睇實3400點，作為標指500指數首站見底水平。市況之差就不太需要加多腳，反而去到呢啲位有冇機會呢？
一隻規模達到120億的momentum etf(MTUM)即將於下周轉倉(rebalance)，買賣策略簡單講就係見升買升，所以即將會沽出以原佔逾30％的科技股，將現水平7%比重的油股提升。
彭博推算油股佔比將增至約17%，而同時將科技股比重減至9%。配合住今輪13F報表顯示，無論係以momentum角度，或者從基金判斷基本面去睇，資金對對油股的追捧相當實在。
建基於其普遍處於股災級別的估值，未來有資金帶動之下，會否持續re-rate係今輪跌市回穩後要睇實油股板塊。
