聯儲局在香港時間星期四凌晨2點公佈議息結果，主席鮑威爾將會見記者，如無意外會加息0.5厘，以及正式啟動縮表。
不過問題就不在5月的行動，而係之後會點？高盛就睇6月再加0.5厘，之後就會放慢手腳，喺之後4次會議加息0.25厘。
不過上述屬於相對鴿派睇法，同期貨市場預期相距甚遠，Fedwatch工具見trader睇緊2022年底將加到3至3.25厘，對比高盛睇年底2.25至2.5厘差成75點子。
將高盛睇法連同早前美銀的投資者調查，其實都反映緊市場仍然覺得有彎轉，認為通脹在6月見頂會令聯儲局有條件溫和地加息。
結論就係睇鮑威爾俾到一個乜預期投資者，6月之後先至有條件講下半年點行。
暫時以Factset分析業績期，反映緊未來12個月預測市盈率18.1倍，基本盤係睇距離10年平均水平為16.9倍，仍有7%潛在跌幅，即係標指3850點。最淡就未計到，因為無太多公司指引或分析預視之後盈利跌。
