俄烏停火無實際進展，通脹數據CPI挑戰市場承受力，三大指數期貨開始倒水。符合隔晚出Post諗法，有彈先減倉，往後發展繼續見步行步。
而話說最近終於贏標指(搞笑的)，YTD -8％脫貧之路仍然係行3步退2步，總好過無啦。今集節目會先同大家檢視操作及跟進個股消息OXY MAXR ZIM GSL，再同大家講返詳細ZIM業績後的分析。
ZIM業績再次遠超分析師預期2022年EPS $33，以集團業績指引推算全年EPS $43更為合理。假如相信ZIM交到數，見返6字頭好抵買。
等嘅同時，望去上游租船公司GSL，市值得10億美元，但手上已有43隻船隨時價值30億以上，仲未近最近新加嘅23隻船，博佢拆讓收窄似乎有得諗。
想知更多，介紹大家望一望貨櫃格價網，做法同睇hotel.com類似，持有航運股想緊貼運費，可以上去mon實幾時要走鬼。
西方石油(OXY)又一次錯過上車機會，股神第2注買入6000萬股OXY的均價約51美元，希望下次下次大概可以把握到，用個心安理得價買返少少。
Amazon(AMZN)公佈1拆20並回購100億，順利的話將於6月6日生效。往績計，拆細通常都係好事，低時機上係幾奇怪。個人本身預期好有可能於於下一季季績後講，因為Rivian投資將會錄得巨額虧損，RIVN由上年年尾103美元跌到45美元，令AMZN面數蝕75億，即將有AWS一季賺50億都抵消唔到。
定係AMZN呢步係為下季季績提前部署？暫時有疑問及不解，先觀察。
