今轉點解美股反彈？觸發點為聯儲局5月初的會議記錄，暗示第4季有機會減慢加息步伐，可以話Fed將備受質疑的公信力都all in落去通脹會受控。
Fedwatch工具反映交易員預期，年底息口見2.75至3厘（加8口息）的可能性大減，一周前有50%機會，現時減至30%機會。
不過，大前題係聯儲局今次真係啱，否則市場都只係信住你先，轉頭又倒水。要確認大市持續反彈，要睇聯儲局留意的通脹數字PCE，4月份核心PCE按月升0.3%，按年升4.9%，較3月的5.2%有所回落﹐數字雙雙乎合市場預期。
不過距離聯儲局的2022年預期為2022年全年4.3%，仍然有一段距離。故此，實際變化不大，只係市場解讀有所轉變。
一方面為投資者情緒達到極度悲觀水平，美銀的投資者調查顯示，Bull and Bear指標錄得0.6最熊水平，作為逆向指標去睇，熊市彈的出現只係時間的問題。
從資金角度，股票資金中止連續6周淨流出，截至5月25日的一周錄得170億元淨流入。
從估值方面，標普500指數的預期市盈率調整至 10年平均水平的16倍附近，吸引長期投資者開始重新買入股票。
