隔晚聯儲局公佈12月中議息紀錄，提到兩個重要訊息，一係加息會較預期快及早，二係正式提到縮減其8.8萬億資產負債表，並且講明會較上次快。
嚴謹經濟學就無啦，以下討論會以溝通語言講幾個字眼意思︰
QE = 印銀紙
Taper = 減慢印銀紙速度至停止
收水 = 將印出去銀紙收返 以達至縮減資產負債表(縮表)
加息 = 壓抑通賬 風險資產受壓 將來收入會被折扣
聯儲局基本上判斷第n型變種病毒都唔會影響經濟，而就業水平接近全面復蘇，眼中更加擔心係廣泛通賬壓力。
從份紀錄中睇到個新說法係加息收水會同時進行，於是嚇到納指跌3.3%，自2021年2月夢想股破裂後最大跌幅。同時10年期債息急上至1.74厘，回復疫情前水平。
換句話，增長股及風險資產會見到估值重估，以ARKK為首嘅科技股創52周新低，SQ、SE、HOOD、PLTR、SNAP、TWTR等齊齊破底。
短線影響市場的event將會有周五就業數據，以及下星期鮑威爾會講經濟前景，將會係1月25至26日FOMC前放風嘅時機。
