美股標普500指數首季將跌幅收窄到5%告一段落，以蘋果(AAPL)及Tesla(TSLA)為首的Big Tech反彈，加上巴郡(BRK)以及一眾油股合力墊住大市。
4隻Q1最好表現的油股XOM、CVX、COP及OXY夾埋貢獻28點左右，不過都唔夠一隻FB輸夠31.5點。今季最大教訓大概係傳統股向起上嚟，天花板可以拍得住唔使計數夢想股，如OXY單季幾乎倍升，肥料股MOS升7成。
值得留意今季晶片股持續落大市，尤其是係AMD，隔晚因Barclays調低評級大跌8%，直接送去Q1表現最差行列之一。分析師預AMD今年雖然有31%增長，但睇2023年包括係PCs、遊戲以及同Xilinx有關業務都會冷卻。
係咪一個撈底機會呢？睇預測市盈率(foward PE)2022年及2023年，分別為27.5倍及22.4倍，的確相對往績而言算幾平。不過要觀察係PE入面個E，即盈利預期會唔會陸續被削減。
睇技術面的話，大成交咁一舉跌穿50天線及200天線，110蚊撈的話，需要向難道挑戰。不妨等睇6月管理層點講早前Xlinix收購對未來的作用。
Barclays睇AMD目標價由148美元降至115美元，評級由overweight降至equalweight，而早前高盛就將AMD由Conviction List移除﹐維持買入評級，目標價127美元。
