隔晚美股Gap up反彈再開支陽燭，挾死淡友之餘，亦令無貨喺手嘅得個睇字。納指收復自鮑威爾加快收水論後的跌幅，距離新高只差3%。
事後去解釋的說法有兩個，一係早期研究發現疫苗對新型病毒Omicon有一定效用，見旅遊相關股連彈兩日﹔二係中國放水主題取代聯儲局收水新聞。
再直接啲去講就係risk on，從TQQQ單日錄得破紀錄15億淨流入，反映撈底buy the dip力量仍然相當強大。
整體市況，納指200天線樓上個股稍有改善上返30%﹔Put Call ratio見咗1.18回返0.95﹔指數開兩板陽燭兼有唔錯成交，只係價位開始唔吸引。
板塊表現方面，費城半導體指數飆5%破頂﹔小型半導體MXL AMBA SITM齊創收市新高﹔千億樓上嘅AMAT ASML NVDA升最少5%。
倉位跟進︰得隻航運股ZIM，破到$60.09的話有條件望多10%，破到先會加，另外推高埋個止蝕上$53。
比較飲恨係隻Airbnb(ABNB)，喺新病毒及收水論夾擊之下跌近25％，止咗無買返又重上180美元了。
－－－－－－－－－－－－－－－
