隔晚納指高低位差3%，氣氛由去年buy the dip，連續幾日逢彈就沽。跌勢漸由中小型股漫延至Big Tech，美股市值頭10之中，除股神的巴郡外，全數較高位回10%。最甘嘅Nvidia現價7折，Tesla及Amazon亦都有近20% off。
諗住加息周期輕鬆贏嘅JPM都要較52周跌14%，金融股ETF亦連跌5個交易日。睇板塊ETF剩底能源XLE一支獨秀，年內升近15％。不過油價最稍回，布油跌1.5%見84.26美元。
再講疫情完結受累股持續被懲罰，新成員Netflix(NFLX)指引來季得250萬新用戶，遠差570萬預期之下，股價直落兩成見400蚊。而受累成員PTON、HOOD及TDOC等會話跌較高位跌7成8成不是難事。
返返跌市原因加息預期，10年期債息回落至1.78厘，不過被市場解讀為risk off，債變避險工具，無助三大指數期貨繼續跌。
焦點直落下周聯儲局議息，究竟係3月就加，如Bill Achman所講一加就0.5厘，定摩通CEO講要有6至7次先夠呢？等緊嘅同時，市場沽定等結果。
