美股連升3日後，三大指數期貨終於唞唞氣，跌0.7%至0.8%不等。不過時間就尚早，戲肉要睇今日係美股四巫日，即指數期貨、指數期權、個股期貨及個股期權同時到期。簡單講就係有3.5萬億名義金額衍生工具到期，市況預期會較一般交易日大波幅。
焦點重回商品市場，紐約期油重上101美元水平，布油見104美元。油價背景變化不大，只係收起對於俄烏和談的樂觀態度，同時俄油制裁令難以逆轉，油價波幅增大，但需求仍然係緊張。
國際能源署(IEA)發表報告，呼籲10式減少油大計，包括係高速公路限速降低10公里﹔每周最少3日work from home﹔大城市周日禁車等等。但講緊問題核心，就係俄羅斯以外的主要產油國有剩餘產能，但最近OPEC+討論結果根本無意填補市場需求。
目前就只能夠靠IEA成員國動用緊急庫存，初步釋放6270萬桶油，係史上最多。但都無法緩解目前壓力，因為早在俄羅斯入侵烏克蘭前，原油庫存已經縮減中，現況就只係再快啲消耗。
望返去最近大反彈的科技股，JPM又有市場睇法，分析師Marko Kolanovic睇美股科技股、生物科技股以及新興市場EM股市調整差不多完成。論調係大宗商品會超級周期會持續，但泡沫板塊調整可能已經完成，加上地緣政治風險可能在未來幾周減退，盡管最終解決方案或在幾個月內嘅事。
分析師Marko Kolanovic睇好高beta的殘股，簡單講就係契媽呀木睇開?堆。ARKK從低位起計就的確有2成反彈，不過年內跌幅仍然超過3成。
