今集由2020年負油價時期講起，當時油組OPEC為首的沙特王子希望減產石油，平衡供求以穩定油價。不過當時俄羅斯的普京恃住天然氣仍然賣得，油價雖然低但仍能獲利，一口拒絕減產。
沙特隨時撳掣反擊，你做初一我做十五，當油價弱到得返唔夠50美元時，再減價6-8美元不等，將油價拉低到3字頭。隔日宣佈唔理供過於求的情況下增產，用半個月時間將油價推到去負數。
結果就有後來俄羅斯重回談判桌，OPEC+達成協議按比例減產共1,000萬桶油，托返起油價。要懲罰或者對付到普京，沙特王子示範一次搬起石頭砸自己的腳係，要痛先有用。
歐美呢？最新加拿大宣佈禁止進口俄國石油，睇俄油Urals同歐州油Brent比較，Urals折讓擴大至10美元以上，相信係一個好嘅開始。
再以美國國度出發，翻睇同委內瑞拉不和後，數據顯示美國該國生產原油由最高峰時間佔15％進口減至零。當美國有議員開始聲討緊每日進口65萬桶俄油時，或者能源政策會有所轉變，加上以民主黨政府重視環保，新能源故仔似乎有排講。
對俄國而言，有媒體計算超過100美元油價會額外帶來730億美元收入，唔使講就係用嚟應付打仗。
