美股喺大家放緊農曆年其間大上大落，由散戶到對沖基金，日子其實都不好過。往績勁如Tiger Global都要輸15%，我哋一班老散可以見到乜機會？
個人做法係少撈科技股，寧願純睇圖，參與行緊up trend嘅油股派對，都唔想掂tech股。望到業績強如AMD，都無辦法企穩喺保力加通道中軸，甚至係每每一到就捱沽。另一邊，一直少研究及無太多信念的航運股及油股，則可以精神分裂地參與，操作喺片入面講。
目前市場仍然都圍繞通脹及加息，參考吓英倫銀行決定，無意外地加息0.25%，份報告講到通脹有可能於4月上到7.25%就見頂。換句話，以現時市場敏感度，好有機會繼續chok住去。至於點解話油股隨時升到年尾，片入面有張圖望望。
最後Big Tech業績，除Facebook以外，隻隻都幾唔錯，會唔會帶挈到其他software股？愛股AMD MRVL本身或者受惠到數據中心嘅，不過市況唔就，畀啲耐性等3月4月或者有啲機會。
