台積電公佈第4季業績，各項財務指標都超預期，股價抽高4.5%去到138美元，挑戰上年2月前頂140.7美元水平。
如果要睇重要一粒數去理解TSM的話，2021年近300億美元資本開支都未夠，2022年加到去400至440億美元。對比近年急於改善生產技術的Intel，過去12個月使168億左右，TSM可以話技術高過你，錢又多過你。
龐大資本開支背後將開於拓展產能，而為確保用得盡，可以見到唔少設計大廠例如Nvidia都會「課金」預能產能，TSM Q3及Q4合共收到68億美元。同時可以合理地預期，台積電使得起錢係有信心增長能夠跟得上。
2022年第1季指引，收入166億至172億，略高於市場預期﹔毛利率53％至55％﹔長線增長睇15%至20%。基本上每個重要指標都有所提升。
回顧2021年第4季收入157.4億美元，按年增長24%，超越業績指及市場預期。毛利率52.7%，接近指引上限53％，按季改善1.4個百分點，相信受惠早前加價消息。
7納米以下先進製程晶片佔收入超過50%，集團預測緊來季收惠高性能運算HPC需要、車用晶片復蘇，而手機晶片需要相對溫和。
諗法︰台積電幾明確地表示喺供應鏈緊張情況下盡量唔加價，以免成為政治議題。換句說話理解，其實係有加價能力，只係時價唔啱唔加住。喺2022年講加息周期之下，有加價空間以及毛利率持續改善，TSM值得袋住。
