究竟美股會點行？一個好痛苦難答嘅問題(趕客mode)，認真mode就不如就斬開3部份去諗呢個問題。1.新病毒upside市場有兩個講法，好處係令聯儲局有條件有理由，減慢收水，或者至少令市場可以有呢個解讀。彭博張圖（左圖）比較11月19日同11月26日，加息預期即刻向下。10年期債息同樣回落1.538水平。2.新病毒downside壞處就上個星期反映緊，部份國家開始收緊防疫政策，全面重啟又再推遲到唔知幾時，旅遊相關，石油大冧。VIX單日飆54%，僅次於2021年1月27日，誇張過疫情初期2020年2月至3月?幾日冧市。同時著名基金經理Bill Ackman就解讀為如果新病毒屬於症狀輕微，只係傳染性高的話，應該利好股市，利淡債市。3.日升日跌 市寬收窄所以個問題就應該問自己，當個市日升日跌，同時市寬收窄，截至星期五，納指4518隻個股得1360隻企喺200天線樓上，即係只得30%左右，處於一個弱勢訊號。重點擺去倉位部署，而唔需要估個市點行，因為根本無從判斷，而且日日轉緊。可以做嘅係局部地以較低倉位水平咁炒。暫時個人會收窄去睇航運/中小型Tech/半導體，ZIM及SBLK都處於一個可以一戰水平﹔中小型Tech就睇緊DOCN唔穿$99﹐CFLT 好努力咁守住條uptrend﹔SE就睇$300附近著量加返嚟坐，望佢唔穿200天線﹔U MTTR波幅大就適合自己睇位。
－－－－－－－－－－－－－－－
華爾街戰線｜升跌任你解 真企穩的話買乜好？航運/中小型Tech/半導體入面搵
|
