隔晚美股主題炒消費增長，可以克服高通賬，紓緩加息壓力。另一方面，聯儲局會否換人的不確定性，仍然有待4日後白宮公佈，暫時鮑威爾連任仍然係主流意見。
Sea(SE)業績後反應不似預期，先升後跌5%，新聞角度以虧損超預期解釋，不過投資者一向都知SE仍然處於燒錢推增長時期，當收入beat and raise可見故事無大改變。
拉遠股價圖睇，SE年內升幅66%，中間都最少經歷兩次20%+調整，以增長故事完好的情況下，股東們係需要啲忍耐。
高通(QCOM)投資者日交代集團未來重心，由手機CPU及通訊晶片拓展至汽車無人駕駛及IOT應用層面。
當中包括德國車廠寶馬(BMW)達成晶片供應協議，並與Facebook/Meta開發AR/VR裝置，以擺脫收入集中在蘋果(AAPL)的風險。
倉位睇法update:
Matterport(MTTR) 仍然見唔到新聞，根據我自己策略，突破前頂有三成就食糊去做，往後的升幅賺唔到亦無傷大雅，暫時會先觀察後績發展。
下一隻買乜未決定，睇住個watching list先
DKS 體育用品 消費增長相關
TTM似想再衝多段
RMBS 數據中心晶片相關概念
MULN 電車 炒到癲 得個睇字
_______________________________
