烏克蘭保衛戰持續，早段核電廠爆炸傳聞一度嚇到期貨大跌，最新消息指核電廠火災受控，無傷亡無核泄漏，不過電廠已被俄軍佔領。
而另一個影響市場因素，期待已久嘅央行放鴒終於兌現，換來係股市反應係sell the news，增長股又開一支大陰燭。市場最貴的數據分析軟件板塊集體大跌，出完業績嘅SNOW見光死，同業MDB、CFLT又再被打沉﹐全部跌至少一成。
令人期待的鮑威爾提早於FOMC開會前交待點睇息口，無意外地3月只加0.25厘。擺明姿態於烏克蘭戰事未完結前，聯儲局取態係少做少錯，通脹高企係一回事，但冒進加息可能連就業市場持續改善勢頭都打斷，就會係純粹央行的錯。
可以影響大市數據，新增非農業職位都出埋，2月份增加67.8萬，對比預期42.3萬。解讀方式就好視乎，市場點睇強勁就業數據會唔會令聯儲局於俄烏衝突告一段落後，嚟個報復式加息。下個event為3月10日的通脹數據CPI。
俄股方面，莫斯科交易所最少停市至下周二。連同美國上市的俄股ETF「賭場」之一ERUS相告停牌，發行商Blackrock指NYSE Arca交易所認為ERUS持股集中﹔俄股停止交易﹔MSCI決定將俄股從新興市指數中移除，考慮上述因素後因定暫停ERUS交易。發行商Blackrock強烈支持交易所決定，不過通告就未有交代買賣雙方有無方法可以離場。
油價方面，紐約期油及布蘭特期油油價居高不下，企喺110美元樓上。有對沖基金就講到俄油禁運會推到油價上200美元，呢間行Westbeck Capital Management年內贏緊17％。
以俄羅斯每日出產逾500萬桶油計，當中的3份2俄油仍然無買家。市場就估計，當油價持續企穩120美元樓上，需求面就先會貴到頂唔順，而減少需求。
倉位YTD -6.4%
60%倉︰NVDA GOOG GSL MAXR ZS DDOG
