美股走勢會點？今集同大家一齊做功課！杜昇一直睇開的uptrend股票$＞20D＞50D＞200D，最近得返76隻，而平時多到500至600隻，多到揀唔到。
而市況係納指成份股有七成股票處於熊市，如果以200天線作為牛熊分界線。觀察所得半導體NVDA/QCOM/NXPI仍然保持強勢，能夠轉嫁成本的HD/COST無懼收水加息。
76隻入面有隻早前有炒過的航運股ZIM，似乎出現個唔錯的入場位。再同大家睇睇ZIM個故事及操作空間，同大家一齊做功課，研究有無得炒。
故事係租船經營的ZIM借助supply chain大亂變成一部印鈔機，以第3季自由現金流計17.2億美元計，每個星期袋緊1.4億美元，假設維持一年就能夠回本﹐賺到等到市值的65億美元。
當然市場預期係航運終會回歸正常，ZIM印鈔式盈利不會無限期延續。日日唔同講法的Supply Chain問題及運費回落係關注點，如果你相信病毒會繼續擾亂供應鏈的話，將有利ZIM的股票。
操作空間把握係未來一年PE大約1.6倍，照計可以在加息預期之下keep到，不妨留意53美元有無得執，但如果回到50美元就恐怕今次突破向60美元失敗。利伸︰三份一注均價$54.4 回到$50就斬
－－－－－－－－－－－－－－－
