關於美股，最近有收到啲關於止唔止蝕嘅問題，其中一個角度係既然都輸緊三/四成，不如擺埋一邊，正所謂time heals everything，時間治瘉股票法係咪可以應用喺美股？但假如肯俾時間，等一隻坐緊艇嘅ZM，定換一隻唔減價嘅MFST會幫到你？1.美股1926年至2019年掛牌有26,168間公司，57.8%令股東輸錢，42.2%幫股東贏到錢。換句話，如果你坐住一隻股票，諗住擺幾年唔睇，贏面唔算高，但唔係無可能(特別係對比港股咁計)。2.創造財富嘅股票相當集中，無錯就係AAPL MSFT AMZN GOOG等等，平穩向上嘅JNJ WMT BKR PG，亦都有走緊下坡嘅XOM IBM。假如你keep住好似QQQ咁淘弱留強，有隻過去5年升5倍嘅AAPL可以cover到5隻total lost嘅股票。3.換句就話，如果你賭一隻股票跌完四/五成反彈，唔算一個穩陣嘅做法。較為理想做法係當有新錢投入股票戶口，應該買強者，即係跌得少彈得快?堆，而唔係博見底反彈。前題係你對自己買賣能力有信心，而且有時間及心機去處理。4.如果覺得自己操作唔易，最終止咗換做指數ETF，起碼歷史話俾我哋知SPY及QQQ終會戰勝歸來。5.比較持續尋底嘅ZM及不斷破頂MSFT，假如同樣肯畀時間去到2024財年，MSFT隨時更易幫你收復失地，詳細請睇片。
－－－－－－－－－－－－－－－
