原本幾近式微的港產片，近期幾部電影均大收旺場，令人重新關注。由古天樂監製兼主演的《明日戰記》，日前已衝破5,700萬票房大關，甚至有望挑戰《寒戰II》冠軍寶座。香港電影工作者總會發言人田啟文（田雞）接受BossMind訪問時表示，港產片票房由暑假到現時為止，多套戲有好成績，確實令人鼓舞，希望趨勢能延續下去，而不只是一場「虛火」。
電影成功原則仍是作品質素
《明日戰記》總票房節節上升，截至周五（16日）中午，票房累積逾5,776萬港元，登上本地史上最賣座華語片第7位，下一步能否挑戰冠軍《寒戰2》（6,649萬港元）？田啟文直言，「好睇後面嚟緊有冇勁片上畫，後繼有冇力，而家唔同人有唔同期盼，好多人希望佢可以打破港產片紀錄，我估好大機會都坐亞望冠，而家等派彩啦」。
早前《明日戰記》一班演員極力打溫情牌宣傳，呼籲港人撐港產片，是否因而推波助瀾？田啟文認為電影的成功，基本原則也是回歸於作品本身質素，要得到觀眾的認同，否則演員如何打溫情牌都沒有用，「（戲）唔好睇嘅話，就算你跪喺到，觀眾唔睇就係唔睇」。
小本製作受捧 更喜出望外
對於港產片近期叫好叫座，田啟文就表示，大製作電影、大卡士賣座好正常，反而現時看到一些港產小本製作也錄得好票房，更為喜出望外。他指，「無論大、中、小型作品，都離唔開一點，就係要口碑好。」
根據香港國際影視展由9月5日至11日的一周票房統計，本港十大票房中，《飯戲攻心》、《明日戰記》及《阿媽有咗第二個》分別排名頭三位。另一套香港小品電影《緣路山旮旯》，由黃浩然執導，岑珈其、余香凝、蘇麗珊等主演，在主角們大力呼籲和影迷口碑力谷下，亦打入上周票房第6位。
Mirror興起 喜見新偶像出現
他補充， 港產片是否強勢回歸，業界還需再觀察多一段時間，以收集更多數據，了解香港觀眾的口味，「未知呢個趨勢可唔可以延續落去，或者只係虛火 ，又或者只係報復式消費。」他又指，電影業界不會就此自滿，希望日後整體質量繼續提升，不但受香港觀眾愛戴，海外觀眾也會支持。
至於近年本港有一股Mirror熱潮，適逢由Mirror成員姜濤、柳應廷（Jer）演出的《阿媽有咗第二個》及呂爵安（Edan）主演的《闔家辣》也取得好成績。田啟文指喜見有新偶像出現，「希望百花齊放，而唔係一種虛火，唔係單靠某一、兩個演員充撐票房，咁係唔理想，當然有好過無啦。」
