紀惠集團放售上環信德中心全層樓面連2個車位，索價6.63億元，身為紀惠集團行政總裁的湯文亮今日在其facebook專頁就此事作出回應：「我話做生意，梗係有買有賣，只買不賣或者只賣不買，就唔係做生意」、「已經賺好多錢，不能太苛求」。
市場消息稱，信德中心西翼35樓全層連兩個車位，建築面積約22,111方呎，以現狀連約放售，意向價約6.63億元，意向呎價約3萬元。資料顯示，紀惠集團及相關人士於2004年以約1.1億元購入，若成功以意向價沽出，帳面將獲利逾5.5億元，物業升值約5倍。
事件引起市場關注，湯文亮今日先在其facebook專頁回應：「我話做生意，梗係有買有賣，只買不賣或者只賣不買，就唔係做生意，今日所賣的樓層，雖然35樓咁高，但仍然是我們持有的最低樓層，2004年，我們以1.1億買入，今日打算以6.6億賣出，已經賺好多錢，不能太苛求，今日有很多人問我點解賣樓，或者話我唔應該賣，當日買樓的時候，亦有很多人叫我唔好買，話香港啲樓唔值錢，最後當然不再提。」
相隔4小時，剛才再出多一帖：「今早開例會時，同事話今朝好唔得閒，不少代理問我們賣樓，而且仲係全層高層，冇遮檔海景，究竟堅定流，亦有口臭有問是否被銀行call loan。我話做投資者難，仲出名投資者仲難，如果賣樓，就會問係咪頂唔順，是否被銀行call loan，如果唔賣，就會話我們囤積居奇，令到樓價上升，市民生活叫苦，其實，我賣樓的目的是希望做一個好價，令到其他業主不用賤價賣樓，或者可以令樓價只跌回升，一買一賣，賺了5億元，收了20年租，我話賺夠了賣樓都可以，老闆都冇意見，點解冇人恭喜。」
