債務危機持續的內房商中國恒大（3333），旗下香港新盤「恒大．睿峰」轉讓予合夥股東鼎珮集團後，改名為「睿峰THE VERTEX」，收樓日期延後半年至今年6月初。不過，該樓盤出現按揭問題，約30名買家申請的九成按揭「呼吸Plan」變為八成按揭，需額外繳付多一成才能上會。其中一名苦主接受BossMind訪問時更指，其按揭計劃由九成變七成五，首期原本約90萬元，現時則需要額外多付135萬元，大失預算並無力應付，不知如何是好。
當初宣傳稱「輕鬆審批、無痛上車」
苦主李小姐（化名）稱，2020年7月買入約900萬元、408方呎的「恒大．睿峰」單位，當時恒大旗下財務公司創盈指做到九成按揭，兩年免息免供，毋須壓測。宣傳單張更指「前無古人，後無來者」、「輕鬆審批、無痛上車」。
不過，在項目轉讓後，現時的發展商鼎珮提供按揭由九成變八成，免息免供由一年變兩年，李小姐更指「而家只係批到七成五按揭畀我，即係我要畀多15％首期。」
李小姐指，在原先九成按揭計劃下，首期約90萬元，不過現時只批七成五按揭，首期變成額外再付135萬，即總計要付約225萬元，大失預算。「其實我都唔知有咩打算，最終有機會、但都係最唔想，就係要搵屋企人做擔保人，再借額外首期」。
被問到為何當初會買入該單位，李小姐表示「老實講買得呢到都係因為個plan，本身入息資產差少少 ，想呢幾年儲吓錢，轉份好啲嘅工，幾年後轉返銀行做壓測。」
近40名買家面臨撻定危機
李小姐已支付5％定金，連其他雜項約50萬元，她預計發展商今個星期五將出律師信，要求一班業主交尾數，「如果我哋交唔到，就要殺定、追差價同埋利息追討。」 現時有30至40名苦主買家，「又上唔到會，又過唔到批核，銀行又唔肯做按揭」，最壞打算係殺定。」她又指該樓盤賣出160多個單位，但就有30至40個殺定個案，情況非常嚴重。
她指有些苦主聯盟的買家，打算向財務公司借貸，「我自己就唔建議啦，因為買家已經好大壓力，如果仲要借筆錢，幾年後還唔到， 到最後都係會破產」。
民協深水埗區議會主席覃德誠認為，發展商當初承諾的九成按揭，不應該因為公司內部問題而消失。雖然受影響買家已向一手物業銷售監管局、地政總署及海關等求助，但相關部門互相推卸責任，其中海關更稱「樓不是商品」。
覃德誠指，苦主若未能上會，隨了面臨被殺定風險，也要面臨被發展商追討差價和利息，即使買家撻定後，發展商重售單位仍可有權向買家追討銷售物業的差價。他促發展商終止買賣、退回全數定金。
發展商於上月宣佈，睿峰已成功獲批滿意紙，預計將於今年5月發信通知買家收樓入伙，而項目尚餘單位亦準備以現樓形式推售。
