路透社尋日報道話平保（2318）傳喺房地產市場嘅投資俾銀保監調查緊，並責令平保停止銷售同房地產市場掛鈎嘅另類投資產品。結果股價今日應聲下跌，最低跌過8%。
結果中午平保出咗個「提示性公告」，提到公司上半年營運利潤穩健增長，業務經營穩健。仲話公司指定嘅信息披露媒體為《中國證券報》《上海證券報》、《證券時報》、《證券日報》、上證交易所網站同港交所網站。咁係咪即係暗示除咗呢6間機構嘅訊息就可能係「假新聞」？
至於呢個「提示性公告」有冇用呢？睇番中午大市回穩之後，股價又真係跌少咗啲。講開又講，近期都好多「官媒」新聞影響好多股份，唔知堆新經濟股、遊戲股會唔會又出通告講下呢？又敢唔敢「指定」媒體呢？
