正當中國教育機構，面臨被逼「義工化」危機，香港補習學校，都仲大有市場。
不過，最新爆出補習界震撼級消息，將會為市場帶來另一場腥風血雨。話說遵理金蛋──中文補習名師林溢欣，新一個學年，將唔會再續約。9月至11月，會喺遵理開返中六常規課程，至於11月之後，林溢欣就會自立門戶，自己開班。對遵理母公司精英匯來講，係大鑊架！
睇返年報，2020年精英匯其中一名「頂級名師」為公司帶來7,000萬生意，貢獻集團總營業額的25%。即係話，如果冇咗呢位名師，遵理就會即時少四分一生意！
呢位名師係邊個，唔使問YY，都知係講緊邊個，講太白就老土啦。
對學生來講，哪裏有林溢欣，那裏就可以補中文。不過對遵理來說，沒有了林溢欣，就好有可能輸鑊甘。點輸法？單係2021年中期，精英匯半年已講緊蝕512萬，所以你話呢？ 今次續唔到約，失去重大收入，咁唔知精英滙使唔使出盈警？
By千頌C
——————
密切留意BossMind動向！立即CLS
