.jpeg)
NFT熱潮繼續席捲全球各行各業，不少名人亦於此陣地參一腳。要講嘅當然講香港先，眾所周知，蕭若元除咗「燈力」驚人之外，想當年1969年，蕭生喺「香港大學生領袖研討會」上，以香港大學代表身份，一氣呵成連講36字粗口，登時令全場嘆為觀止，不單令港大當日奪冠，更成為香港的名震一時的經典。作為商人的蕭生，當然知道自己締造的經典有價亦應該有市，最近佢將呢段經典重現，拍片講多次呢36字粗口，再將段片分做4個NFT放上交易平台 Opensea，結果於5日前，其中一段片（加親筆簽名版本），以4粒ETH成交，當日市值大約8萬港紙，以36粒字計，蕭生每粒粗口值2,222元。另外，岩岩痛哭淚別巴塞嘅美斯，上星期亦宣佈推出個人NFT系列，並於今年8月20日喺Ethernity平台發售。至於美斯NFT作品，當然唔係出自美斯本人手筆，而係由Marvel御用海報設計師Kode Abdo設計。美斯NFT系列為「The Messiverse」，首輪數碼藝術共4款，其中三款分別為《Man From the Future》、《Worth the Weight》及《The King Piece》。
—————— 密切留意BossMind動向!立即CLS ▴FB https://www.facebook.com/bossmindmedia/ ▴Instagram https://www.instagram.com/bossmindmedia/ ▴Youtube https://www.youtube.com/channel/UC4VI_WmdfVMTkT4vKCiZA4A ▴盧卡股 https://www.facebook.com/lokastock #BossMind #財經 #NFT #美斯 #蕭若元 #蕭生
