今集會做例牌2021年回顧，唔同嘅係你會睇到一個無遮無掩，錯漏百出的交易紀錄。勝率大概只有40%，贏嘅股票集中5隻股票，甚至係頭1隻，片入面講畀你知係邊隻(無乜驚喜的)，以及點解唔買返住。又與此同時輸嘅股票對個倉影響未到6%，最多係DMTK及PLTR。
回顧3段大升市︰契媽蜜月發夢期、Big Tech強勢主導期、元宇宙x電動車起飛，當中最令我意外係Big Tech一啲都無因為大隻而升得慢，買AAPL TSLA NVDA可以食得好、訓得好、輕鬆贏大錢。
至於來年，一直來落後大市嘅Amazon似乎成為間間大行/財經雜誌人有我有嘅首選，理由有好多，相信最重要係逐件業務計︰廣告收入300億一年及AWS收入600億一年，兩件夾埋樂觀去睇已經值回1.7萬億，餘低份E Commerce當送畀你？
要再三強調嘅係，炒股只係N種脫貧方法之一，若然你係個全能嘅連登仔，FG 50k請專心工作，買VOO QQQ就夠晒，無謂去浪費時間炒股票。
而作為窮L，未來一年有無咁好景？who knows？杜昇同大家齊上齊落，2022年大家見字飲水 努力賺錢！
