最近市況大上大落，缺乏明確趨勢，各項指標分別指向互相矛盾的方向。唯有就炒股唔炒市，因為重倉西方石油(OXY)，先關注油價走勢，再講聯儲局及花邊新聞。
隔晚新聞指國際能源機構IEA實際釋出6000萬桶原油儲備，加上美國早前的1.8億桶儲備，令未來半年每日供應增加133萬桶，較預期120萬桶多。短線對即月期油合約構成壓力，即月布蘭特期油由130美元縮到100美元水平。
不過對遠期合約影響有限，一日供應問題未解決，俄羅斯向歐美輸出430萬桶原油缺未填補，中長線油價仍然會貴，令OXY企得偏硬淨。
而點解覺得各項經濟指標矛盾？其中包括係聯儲局落後形勢，要大力壓制通脹，甚至不惜令股市調整。但同時分析員的預期又持續向好，3月份更新今年整體盈收預期再次調高，形成幾矛盾的情況。
權衡之下，以AMD為例，當預期調頭向下調整時，股價調整幅度之大令人卻步。
最後同大家睇一睇大摩吹奏的馬斯克經濟(Muskonomy)，如何評價及理解Elon Musk買Twitter的決定。
