俄烏局勢標題持續左右大市，但影響力開始稍退，三大指數期貨跌唔夠1%。油價亦都無視打仗預期，紐約期油各下整體2%見91.87。
另一焦點，聯儲局1月份議息聲明，字眼上稍稍改動，話如果通脹高企不下，就需要以一個比預期快嘅速度進行政策緊縮，包括係加息縮表。至於加幾多？幾時幾速度緒表？繼續無答案嘅態度，同市場預期形成鮮明對表，2年期及10年期債息回落。
不過睇返時間線，局內好鷹嘅官員Bullard開完個會後幾日，就放風話想見到3月加半厘，7月前加夠1厘。究竟係試水溫定反映Bullard只係局內少數派呢？市場反應就覺得總之無想像中咁鷹，升返少少先。
個同方面相當分化，業績期變成一季定生死，普遍虧損擴大嘅股票會受到嚴懲，SAAS股AMPL跌逾4成﹔Matterport交出相當一般嘅業績指引要跌15%﹔FSLY亦都係同樣原因跌3成。
想搵增長股越來越難之際，睇睇手揸大錢嘅對沖基金Third Point，高呼大大隻嘅Amazon未開發價值高達1萬億。
該基金CEO Daniel Loeb話單計AWS價值已經唔止1.5萬億，大約等於成間Amazon現價市值1.6萬億，而電商業務估值有1萬億。
呢位大好友隻基金拎住235,000股AMZN，大約7億美金，係第4大倉位。
