美股重點係今個星期三FOMC，鮑威爾到底有幾鷹？今次會有點陣圖dot plot睇，對上一次張圖係9月?期，當時反映係2022年只會加息一次，到2023年年底會加到1%。
不過自9月到12月之間，鮑威爾講法有大改變，市場對加息預期，從FedWatch Tool睇加息可能性，2022年6月加息兩至三次可能性大幅增加，由1個月前18%左右，升至最新30％。
單純從指數去衡量的話，市場根本無擔心過，標指受惠以蘋果為首Big Tech有表現繼續破頂。不過由炒作角度的話就相當難搵食，由半新股到高增長股通通受壓，半新股ETF IPO及增長股代表ARKK明顯同納指市寬一齊向下。
當然上述數據係你知我知大家知，但市場幾時肯畀所謂「適當」反應就無人知，但到目前為止的啟示係有賺錢就有防守力，其他先沽為敬。
上周五開始keep住留意部份增長股，明顯跟唔到指數「反彈」到破頂，繼續有逾6成個股跑唔到贏納指嘅3.6%反彈。
除非願意喺蘋果(AAPL)3萬億之際衝入場，或繼續買Big Tech，否則呢個市況炒嘢唔容易。
－－－－－－－－－－－－－－－
