今年預測跌市最準的分析師，大摩Michael Wilson再次強調熊市反彈之後，標指會見3400點。
理據之一係今年期績期看似好多公司業績超預期，不過雖然係因為預期的要求偏低。參考Faceset數據，標普500指數公司錄得超預期的盈利都好，平均仍要跌0.6%。
理據之二為標指的第2季預期向下，但全年預期則不變，期望下半年生意會拉上補下，換言之公司在加息及收水的環境下有更大的跑數壓力。Factset數據顯示，標指每股盈利增長由3月底預期9.6%，調高至上周的10.1%。
Michael Wilson話市場雖然因應息口作出調整，但仍然未完成。至於幾時先見底，佢話一係標指PE回落至14至15倍，或者係盈利預期降低。最終點數要見3,400點先會估值底及技術底。
咁目前係咪完全無任何值得睇嘅股票？高盛列出20隻安全的股票，即使2023年的EPS預期削減20%都好，估值仍然處於一個幾吸引的位置。
20隻當中有7隻係石油股，其中Devon Energy(DVN)為例子，於2009年3月的預測市盈率為11倍作參考，即使未來經濟進入衰退，2023年的EPS預測大減2成都好，2023年的預測市盈率仍然處於10倍水平。再加上息率達到5.2厘，提供一定好防守力。
而科技股之中，則有高通(QCOM)屬於安全之選，2009年股災時預期PE為18倍﹔2020年股災時預期PE為13倍﹔2023年盈利減20%仍然不過係13倍。反映QCOM估值水平price in定一個溫和的經濟衰退後，估值水平仍然係合理，向下跌的空間較少。
