Walmart(WMT)出完業績後單日跌11.4%，創1987年10月以來最差紀錄，最大罪名為盈利被成本侵蝕，收入即使有驚喜，亦無助bottom line達標。
如果要大家排一排估值高低，可樂(KO)、Walmart及Google(GOOGL)邊個最貴？睇ycharts整合的預測市盈率，KO係26.6倍﹔大跌之後的WMT係20.7倍﹔同科技股一齊冧的GOOGL係20.5倍。
更難以捉摸嘅係Google在三者之中，未來幾年的增長盈利遠遠跑贏。咁問題就係1.)Google護城河不及可樂或Walmart，2.)市場為求搵防守股，令可樂及Walmart不合理地貴。
以過去10年計歷史市盈率睇，Walmart今輪大跌之後仍有27倍，處於10年平均水平23.4倍以上，今輪績後re-rate反映高估值的科技定防守股，在業績轉弱時，毫無防守能力。
至於相對賣更平價日用品的Taget(TGT)今日公佈業績後，盤前大插21％。原因幾乎與Walmart一樣，收入251.7億勝預期的244.9億，但調經整每股盈利$2.19，則遠差過預期的$3.07。
再從派息角度去爭論，買呢類防守型必需性消費股票仍然有市場？根據彭博數據整體標普500指數的必需性消費板塊股息率，目前係落後10年期國債50點子，當中70%成份股息率低過10年期債的3厘息。
最終反映緊係加息周期之下，守型必需性消費股票或有空間向下，先能夠推升股息率先保持到吸引力。
