本港經濟不景，股市持續向下，「兩餸飯」成為了不少打工仔恩物，但想不到的是美國駐港澳總領事梅儒瑞（Gregory May）也會幫襯。
美國駐港澳總領事館今日（1日）在社交平台發佈了一張梅儒瑞幫襯兩餸飯的相片，並表示「大家成日講嘅兩餸飯，我終於搵咗個機會同香港上班族一齊排隊去嗌個嚟做lunch，價格實惠得嚟又好味喎！你哋必揀嘅餸又係咩呢？」。
消息傳出後，不少網民大讚美國領事貼地；亦有網民懷疑夾餸姐姐聽唔聽得明英文；更網民笑言「建議特首去深水埗買燒味飯以作反擊」。事實上，梅儒瑞來港兩個月期間已多次發相，其中包括到訪豪華餅店、坐港鐵遊山玩水及食蛋撻等。
