樓市破頂後，二手頻創新高。查實二手放盤一直嚴重缺盤，貨少，價被夾升，而家係乾升。中原地產剛剛公佈8月份十大屋苑成交狀況，見到量跌價升，8月份錄得210宗成交，按月下跌36.4%，跌破300宗關口，創19個月新低。
10個屋苑9個成交量都下跌，其中黃埔花園、新都城、海怡半島跌超過5成。價位方面，10個屋苑都升咗，升幅由0.1％至5.6％，惟獨嘉湖山莊微跌0.7％，有理由相信是同區新盤Wetland Seasons Bay開賣有關。
中原地產亞太區副主席兼住宅部總裁陳永傑表示，本月香港股市因國內調控措施而變得波動，加上外圍經濟環境充滿挑戰，本港通關亦未有消息，令部份長線投資者放慢入市步伐。另一方面，二手樓價破頂後，普遍業主叫價相對硬淨，買家需時消化新價格，樓價高位爭持，成交放慢亦屬合理現象。幸好臨近月底，股市回穩，加上多個新盤排隊登場，樓市氣氛再次回升，交投亦比月初加快，料9月二手交投穩步向上。
美聯物業住宅部行政總裁布少明表示，由於經濟向好，失業率回落，買家入市信心增強，故購買力湧現，不過亦因業主心雄及二手筍盤盤源減少，二手樓價亦帶動上升。
——————
密切留意BossMind動向！立即CLS
