近期樓市回調，觀望氣氛加劇，導致成交下跌，各界均提倡政府「減辣」。地產建設商會執委會主席梁志堅接受BossMind訪問時表示：「政府搞辣招已經搞咗12年，已經名存實亡！冇用啦！」
梁志堅又指，「即使通關，大陸人唔同早期，層樓幾貴都要買，已經唔係當時嘅環境，有啲來港未滿7年，但已經係香港居民，冇理由畀個辣招箍住，呢班人買樓又要畀多15％，現時市況就更少人買樓，咁做係窒礙樓市發展」。
梁志堅：跌都唔會再跌得去邊
對於香港樓市長遠發展，梁志堅認為現時樓市差不多見底，並睇好明年樓市：「短期內唔會有太大增長，但跌都唔會再跌得去邊，唔只香港，始終宏觀全球經濟都係差，香港點都好，仲有祖國支持，展望明年樓市可以爬返上去，當然仲要睇嚟緊施政報告，都有好大影響。」
地產建設商會秘書長龍漢標亦在社交平台發文表示，政府自2010年起相繼推出多項樓市辣招，短期確實壓抑了當地的樓價，而近年面對疫情反覆、全球政經局勢不明，以及利息上升等挑戰，樓市與經濟民生息息相關，認為政府應因時制宜，重新審視辣招是否已經過時。
測量師學會：辣招阻單位流轉
另一方面，測量師學會亦認為，二手樓供應正在減少，政府可考慮「減辣」，放寬樓市限制措施。測量師學會土地政策小組主席劉振江指出，不同的辣招，令市場單位流轉很不暢順，二手樓供應大幅萎縮，相信隨着樓市轉靜，價格或向下調，政府多了空間思考如何可以有機會逐步放寬有關限制。
