中洲置業火炭星凱‧堤岸聽日起首日發售，一連兩日賣合共536個單位。為免準買家計錯數撻定慘蝕，就呢，搵咗呢個供樓攻略圖，列出各單位每月供幾錢、每月最低入息要求，等作為準買家嘅你，在入售樓處前或處中，都可以清清楚楚睇清條數。
計數方法以準買家是首置用家、有固定收入為原則，使用發展商提供的建期付款辦法，獲11％折扣優惠。假設選用高成數按揭，借800萬元以下就借9成，如果借多於900萬至少於1,000萬元就借8成，而借1,000萬元或以上是借5成。實際息率1.4厘，分30年攤還。當中未計按揭保險費，並假設借款人沒有其他債務。
呢種計法已是根據借到最多按揭去計算，務求等準買家心中有個譜，最終唔好蒙受上唔到會的損失。到時真係計唔啱數，好彩就話有親朋好友打救，如果唔好彩，唔知儲幾多年的錢就付諸流水。
不過人人信貸狀況不同，銀行在審批按揭時都會因應當事人的年齡、財務狀況等而批核，準買家事前最好搵銀行問下。
雖然發展商日前已回應，暫時已有多間銀行確認可承造星凱．堤岸按揭貸款，當中包括恒生銀行及工商銀行（亞洲）。但是BossMind剛才致電中銀香港查詢，該行職員回應暫時未知是否承造此盤按揭。另外，致電滙豐熱線，職員回應，此盤未在承造按揭之列。
——————
密切留意BossMind動向！立即CLS
