本系列會說明一些常見的「做數」方法，但目的並非叫你學會「做數」，呢啲事留番俾受過訓練的專業人士就好。相反，這系列是為了讓你更有能力去發現舞弊的「蛛絲馬跡」。
「點解要做數/ COOK THE BOOKS？」
通常管理者/ 老闆做數的目的，大部份都是為咗「錢」。例如上市公司要合理化年終獎金、維持高股價令到Option更有價值，又或者可以令到估值/ 股價提升，方便進行M&A，又可能係方便向銀行借錢。
《收入》-《支出》= 利潤
上市公司為咗做「靚」盤數去俾人睇，一定係提升收入及利潤。（因為有利潤，P/E; bonus; 股價都可以合理化）以下有7招去拆穿「靚」數。
1.「佣金比例下降」
生意係假嘅話，咁唔使俾佣啦⋯⋯
2.「應付帳款上升」
如果收入上升但係冇相對支出，利潤就自然升啦。管理層如果唔想將應付帳款入數，就可以將支出收埋喺Current Asset 到。做到所謂（支出費用資產化）。
3.「DSO 持續上升」
因為有假收入單，淨係得應收帳，又如果冇真係俾錢，（Day of Sales Outstanding）嘅趨勢就會持續上升。
4.「現金同埋銀行貸款同步上升」
銀行貸款利息相對高，有現金點解唔還錢？因為做假收入要持續用現金周轉。
5.「會計利潤增加同時現金流下降」
正常嘅公司利潤增加嘅時候，現金流相對嘅同步唔會差太遠。除非利潤係假嘅…
6.「同比性」
銷售增加嘅時候，成本支出等同步都應該會有增加。如果銷售收入有增加但支出沒有同步增長，一係佢係賣空氣，一係員工生產力大進步。（但係唔需要加人工？）
7.「順滑利潤」
生意有上有落，如果公司每年利潤嘅銀碼都差不多嘅時候… 咁佢哋公司一定有一個睇唔到嘅Buffer…
做數和「創意性會計」喺完全唔同概念，在會計原則（GAAP) 允許的範圍內，以最佳方式呈現公司的財務狀況好睇，這是創意，是合法而且受到行業認可的；但做數的目的就是為了欺瞞，這是舞弊。
下一篇進階篇再深入啲了解。
James Huang
Business Architect
____________________________________________
