華人置業（0127）前主席「大劉」劉鑾雄，今日突然宣布舉行記者會，回應近日網絡上有關「投資恒大虧損」及「遺囑風波」。甫開始他便連環爆金句「後悔之前幫個賤人，應該由佢破產」、「幫完佢有網上打手」，但他沒有透露「賤人」是誰。
他表示，網上文章所提及的全屬造謠，「新聞話我就嚟死，早幾日朋友問我有冇事，你睇下我而家個樣，係咪就嚟死，畀人激死就有。」
對於網上媒體指甘比於恒大錄得巨額虧損，他承認投資有虧損，但就話「報紙話我蝕500幾億，賺個啲唔計？蝕幾多、賺幾多唔重要，你睇，有冇人追我孖展？」所有投資皆由他自己親自決定，「所有投資啲嘢，賺係我、蝕都係我。」他沒有回應有否與許家印會面，但表示沒有嬲許家印，又指甘比與其姐姐曾多次提醒他出售恒大，但最終沒有出售。」
有記者問及「大劉」對於今天經濟環境及樓市的看法，「今日經濟環境，在香港，要自保，安然渡過，希望快得一年﹑至年半，若高息情況持續下去，不少公司亦會有壓力。」他表示不會評論政府的政策，「識答，做官肯定叻過我哋，你睇官字有幾個口。」但如政府不積極行動，樓市持續下跌的話，「冧咗都唔易救得起」。
