年薪200萬元、東南亞打工，有一則長期刊登報紙的廣告，引起關注，一間國際發展商200萬港元年薪聘經紀到東南亞打工，記者訪問從事地產逾30年的本地經紀，他對於這篇廣告表示可疑。
近期柬埔寨騙案引起社會關注，有人留意到有一則長期刊登報紙的廣告，廣告中稱為「國際地產發展商」招聘地產助理董事，最吸引的一欄就是寫住「工作超過三年的同級人員年薪全部超過港幣200萬元」。
主要職責銷售公司住宅及商業樓盤，以及管理10至16位銷售人員，入職條件要有8年地產經驗，三年銷售管理，管理層加上年薪200萬元，看似是一份「筍工」，然而從事本港地產代理逾30年的經紀表示：「有可疑！」
經紀指，香港地產代理要做到董事級別，至少要10年經驗以上：「我行內冇聽過有公司請人去東南亞做代理，一個普通Sales都要至少做5年先升主任，之後先會一級級升上去董事。」而這篇廣告最令經紀感到可疑的，是有別於一般的招聘手法：「香港地產代理董事級別年薪係唔止200萬元，更多都有！正常嚟講，如果想請一個有數返嘅董事，通常會請埋佢帶領嘅團隊，因為靠一個董事係冇用，最重要係建立團隊，團隊好先會有數返，加上董事正常都係內部晉升或者係行內搵，唔會登報紙請呢個級別嘅職位，我覺得係有可疑。」
記者多次致電及Whatspp廣告中的聯絡，惟未有回應。
