人人都說男人三十而立，但金融出身的唐耀賢（Woody），偏偏在他30歲事業安穩之際，放棄百萬年薪，與拍檔創業，搞裝修配對生意，創立好師傅。開初兩年，公司入不敷支，Woody零收入捱日子，更有過結業念頭。還好在事業低潮，太太依然不離不棄，做他背後的女人。到底這段困難日子是怎樣捱出頭來？
Woody本來是位理科人，科大物理系畢業後，反而考了會計師牌照，開始在金融界打滾，後來負責處理不同公司的上市項目以及收購合併。當時收入穩定，月薪至少8萬至10萬元，再加上花紅等等，年薪至少過百萬，但Woody有感工作太過重覆沉悶，打算尋找新挑戰。
三十而立 創業搞裝修
2013年，適逢Woody30歲，他發覺身邊朋友開始成家立室，需要裝修新居。他為朋友推薦相熟裝修師傅，發覺裝修期間師傅與客人多紛爭，十分需要一個中介人角色。「由於係我介紹師傅，朋友喺工程期間會加我落個group到，更加發現原來好多溝通問題，會有鑊氣發生。」
在工程期間，Woody義務充當中介角色，與朋友及裝修師傅溝通。以往工作汲取到的經驗，令他容易抽身安排事情，「咁我發現原來成個裝修過程，無論工程開始前或者期間啦，都好需要一個咁樣嘅角色，幫到成件事可以順利運作」。他笑說，工程完成後，師傅都是義氣仔女，封了利是仔給他表達謝意，因此Woody發現市場對裝修中介是有需求的，這就是他構思裝修配對平台好師傅的初步想法。
在做資料搜集下，Woody發現裝修市場龐大，單是香港也值幾百億元一年。「咁重要呢一啲咁嘅painpoint難題，唔止喺香港，你周圍搵人哋去裝修，要假手於人嘅時候，就會有機會出現。我發現其實個市場真係好大好大。甚至成個東南亞、大陸或者歐美都會有呢啲問題。」2013年，Woody與拍檔投放了一共數十萬元起動資金創立好師傅，商業模式很簡單，客人在網站填寫資料後，裝修顧問幫忙報價以及配對師傅。工程完成之後，Woody公司會向裝修師父或者判頭收取佣金。
開業兩年冇起色 幸獲前主播太太支持
創業初期，每一天都是捱出來。好師傅開初兩年，幾乎是收支不平衡，Woody和拍檔接近兩年零收入。低處未算未低，Woody更要面對裝修師傅走佬問題，「咁就一走走了幾單添，呢個係一個好慘痛嘅經歷。我諗個念頭未必係自己想放棄，而係個情況已經係嗰個位，你想繼續落去但到繼續唔到落去。」
加上Woody當時放棄高薪厚職，跳出金融圈，旁人更是不解。「由金融跳去做創業或者叫做裝修，開頭真係好多人都會問做乜take咁大risk。同埋去返2013年嘅時候，香港創業風氣仲未好盛行，就更加要解釋啦。加上其實自己身邊人，或者係親戚更加會拗曬頭咁添。咁好彩，就而家老婆啦，當時女朋友佢好支持我。」
太太郭志美是前娛樂主播，陪Woody走過創業低潮，一心一意做他背後的女人。Woody慶幸30歲創業之年，尚未結婚生小朋友，二人的生活成本相對低。「咁當然啦，會慳好多。我老婆都係好樂天，亦都唔係嗰啲要買包包呀，或者好享受嗰啲，咁佢exaclty又係好鍾意食麥當勞。所以維持成本係好低㗎。」
疫情反帶來商機 生意額不跌反升
Woody回想2016年初，公司基乎要結業之際，遇上投資者賞識，為公司注資。這算是一個及時雨，令公司能夠收支平衡， 慢慢漸入佳境。好師傅成立8年，現時約有40名員工，處理過超過3,000宗工程，工程總額超過6億元。近年即使遇上疫情，生意額不跌反升五成。Woody指疫情下，人們多了在家，自然找到家中瑕疵，加上外宿住酒店的成本下降，因此市場上對裝修的需求也大增。
本來公司逐漸起步，但今年就有報道指好師父裝修工程爛尾，客人上電視台出面指正，殺Woody一個措手不及。為了平定軍心，Woody開了會議，向員工交代事情發展。公司亦在自己的社交媒體出了聲明。裝修界一向講求信譽，有顧客不滿意公司的服務，Woody想出改善辦法，提供100%完工保證。若工程延期，客人因延期而帶來的成本，如租住酒店，好師傅會審批後作出賠償，希望挽回客人信心。
想執靚間屋 設計裝修安樂蝸
BossMind x 好師傅 CoDeco 裝修優惠
免費上門報價 + 即送300元現金券*
立即登記： https://bit.ly/3F1jo8y
記得輸入優惠碼「 BM_2021 」
* 優惠只適用於總值10萬元或以上成功簽訂的工程訂單
* 現金券適用於 CoCoMall 搜購裝修物料
* 受條款約束，不可與其他優惠同時使用
——————
密切留意BossMind動向！立即CLS
