房委會公布截至2021年6月底，過去12個月一般申請者公屋平均輪候時間是5.8年，再創21年新高。公屋都究竟給了甚麼人住？今次主角何太，先生18歲排公屋，等足15年，等到頹，等到生都生埋，最後車都上埋，以約600萬元買入Wetland Seasons Park 2期一個兩房套單位。
何太感慨：「先生起初同一般香港人一樣，18歲就排公屋，排到宜家呢個年紀諗都唔使諗啦！連小朋友都有啦，都仲未排到。」結婚後兩夫婦跟奶奶同住，雖然沒有二人空間但何太坦言，確實在結婚後才開始儲到錢。但婆媳關係永遠是千古難題：「未生小朋友前冇咩磨擦，所以有小朋友後就分開住好一點，磨擦真係會多一啲 ，始終大家對照顧小朋友方法唔同。」
中途睇過二手樓，不是預算不足就是樓齡太大，最後見到Wetland Seasons Park2期開賣，以試一下的心態去入票：「因為我哋排到三百多號籌 ，本身只係睇下抽新樓過程係點，有個經驗,點知又有得揀，用人生最重要嘅幾分鐘就決定買呢個單位 ，去到就快選擇單位時，考慮要兩房 定兩房半 ，因為相差價錢唔係好多，之後先生就話為咗家庭融洽，就選擇兩房半唔使爭廁所。」
單位由驗樓師陳智康驗收，整個單位主要都是小問題，簡單執修就可以，單位最後有95分。但單位外的問題就較大，都屬於外牆的問題，很多位置都沒扣分。主人房工作平台上方陣底，有13塊空心磚，康仔表示擔心貼不實有機會掉下來要盡快處理，其他問題例如鋁冚、滴水線、空心磚、擠膠等等。
而發展商回應，單位問題預計會在本周內完成執修。
