「畢加索說過，藝術是讓我們認識真相的大話。」這是三年前《MyGut者言》首次跟大家見面的開場白。其實，畢加索還有以下補充：「藝術家必須知道怎樣以大話說服別人大話背後的真相」。這是三年後《MyGut者言》在BossMind再次跟大家見面的開場白。真，可以只金玉其外；假，其實是敗絮其中。當大話可以說真相，還有必要打擊假新聞嗎？當真相不可以直說，我們更有必要成為藝術家。藝術何價？偽術又何價？三年前，看過黃子華的楝篤笑《幻海奇情》有感而發，寫《子華與冠希之楝篤笑傲江湖》一文，我要問正價與黃牛價格之間如何釐定？三年後，看過黃秋生的舞台劇《Art呃》重新出發，我再問藝術與偽術之間的價格又是如何釐定？這是三個男人為一幅畫吵架的故事。這幅幾乎全白的當代藝術畫作，由劇中飾演皮膚科醫生Serge的陳淑儀花了100萬元講得。Serge的好友Marc（黃秋生飾演）卻認為這幅白布一樣的東西是垃圾。所謂黃藍是政見，藝術與偽術之間又是非黑即白嗎？劇中飾演文具銷售員的另一位好友Yvan（朱柏康飾演）出來調停，企圖挽救這段15年的珍貴友情。究竟是偽術誠可貴，還是友情價更高？Babe問：「黃秋生個角色，做咩職業㗎？」我答：「睇完套劇，我諗冇人記得。我之後fact check先知原來佢係航空工程師。」Babe再問：「佢個造型似咩？」我再答：「佢個造型，唔似可以教一個醫生乜嘢係藝術嘅人，加上佢哋啲對白又成日搞錯現代藝術係當代藝術。但更唔似嘅，係佢哋說服唔到我佢哋點解會做到15年真老友？」女友質疑我不懂舞台劇藝術，我以經濟學者身份和女友談情：「經濟學唔容易解釋一件藝術或者偽術作品值唔值100萬，因為市場細，往往只要幾個專家話值就值。但當價格係相對價格，一段冇乜基礎嘅友情又點值100萬呢？」徐家健
美國克林信大學經濟系副教授
美國克林信大學經濟系副教授
——————
密切留意BossMind動向！立即CLS
