傳林作母9180萬沽中半山豪宅 狂賺3000萬 林作:俾人放流料 我唔知咩事

傳林作母9180萬沽中半山豪宅 狂賺3000萬 林作:俾人放流料 我唔知咩事

BossMind | 2022.01.17

市傳林作母親王莉妮持有並自住的中半山嘉年大廈複式豪宅以近9,180萬元沽出,BossMind向林作求證,林作透過電話回覆指:「俾人放流料,我唔知咩事喎!」

林作母親於2016年以6,338萬元買入上述單位,去年底放售,叫價約9,500萬元,剛傳以9,180萬元沽出。對於這個「成交」報道,林作指大為不解,他解釋單位的確放盤中,亦與很多人洽談當中,但仍未成交。「係真係諗住賣,但未有成交,你咁樣斷咗其他客米。我問咗自己用開嘅獨家agent,佢都唔明白點解有人咁樣放消息,我都問緊。你咁樣搞到其他人望之卻步,真係激氣!」

林作指,母親獨居在這層兩層複式大宅,的確有意大屋換細屋,「佢不嬲諗住睇吓有冇人出到佢鍾意價錢,換層樓。因為佢自己一個住,佢住兩層樓梯嘅樓驚仆街,唔使住咁大間。」

被問到報道中所指的9,180萬元是否心儀的放售價?林作表示:「網上吹緊嘅呢個價錢佢(林母)接受嘅,但就真係冇發生。 」至於有沒有睇中哪一區?他指林母一直留意中半山區樓盤,因為二人過往十年一直住開這區。他又指現時未有再置業打算「冇quota,我手上已經3個單位。要投資就買保險。」

翻查資料,嘉年大廈位於中半山麥當勞道,1957年入伙,合共提供20個單位,實用面積1,697方呎。林作母親王莉妮持有為低層複式戶,每層實用面積1,697方呎,兩層合共3,394方呎。事實上,王莉妮與林作經常在大宅內接受傳媒訪問,因此大宅內部環境經常在媒體亮相,例如七仙羽主持的ViuTV《七救星》等節目。從相片看到,單位保養得宜,裝修以古典優雅為主。


圖片來源:ViuTV

密切留意BossMind動向!立即CLS

FB     Instagram    Youtube

傳林作母9180萬沽中半山豪宅 狂賺3000萬 林作:俾人放流料 我唔知咩事
BossMind
 | 2022.01.17

Work hard. Have fun. Make history. 我們將以BossMind作為重新出發的起點,透過不同文章、節目,助大家深入淺出了解財經大事。盡早達成財務自由,未來的生活質素,由自己作主。Be your own boss.

分享這個帖子
文章精選