開市前備戰|慢慢減貨迎美股創新高 Metaverse原宇宙概念有異動|杜昇

開市前備戰|慢慢減貨迎美股創新高 Metaverse原宇宙概念有異動|杜昇

杜昇 | 2021.09.02

閱讀全文,歡迎加入會員

已是會員? 登入帳號

美股指數上仍然造好,幾乎日日創新高,雖則話破頂唔估頂,但在非農職位前夕就適量減少少,或做少少對沖。理由係覺得利好因素再推指數急升機會細,但不合市場預期就會容易有個較大調整。 而技術指標方面,納指頂穿保力加通道頂。喺諗唔到減乜情況下,所以極短線博佢回少少,買咗好少SQQQ及UVXY。 市場氣氛方面,個人片面的觀察係有突破無follow through,現階段睇法係短炒唔值博,同時就多咗時間去研究近期新嘢。 原宇宙概念有得諗? AI、晶片、遊戲、3D、AR及VR相關股最近多咗概念叫原宇宙「Metaverse」,如果有留意Nvidia CEO黃仁勳最近言論應該都唔陌生,佢哋嘅AI晶片平台Omniverse就正正往呢個方向發展。大畫面就似電影《挑戰者1號》入面個世界,現實世界其實亦都越來越近。 其中有隻想食呢個Metaverse主題嘅ETF(META)上市唔夠3個月,其實就只係得6200萬資產,本身唔算入流,但隔晚突然有近$2,800萬成交,估計係泊錢入去呢隻ETF。(6200萬係唔知計咗尋晚𠴱2800萬未) 雖然隻META持股其實無乜特別,係堆好大路嘅NVDA、騰訊、MSFT、RBLX、U、TSM等等,同原宇宙概念擺埋一齊,或者係太早,或者係不著邊際,唔一定係買佢。 但就係無特別都有人買先值得睇,如果逐個check,NVDV固然屈機,遊戲開發平台U最近都好唔錯﹔拉遠啲SNAP做AR廣告似乎令佢喺social media股入面搵到特色﹔仲有細細隻做VR虛擬實景導覽嘅Matterport(MTTR),喺我個watching list入面。就目前所見,AR VR已經去到一個好實在應用環境。



—————

密切留意BossMind動向!立即CLS

▴FB

▴Instagram

▴Youtube

開市前備戰|慢慢減貨迎美股創新高 Metaverse原宇宙概念有異動|杜昇
杜昇
 | 2021.09.02

炒股大可以取易不取難,過往10年標普500指數平均有10%回報,美股唔缺好嘅公司好嘅股票,但資訊往往只係佔傳統媒體一個角落,冇人做?咪我哋做!杜昇同大家做Live、研究、睇圖、避股災,無限重覆再重覆,倉位gogogo!

分享這個帖子
文章精選