跌市因素逐個睇 難玩可以唞一唞 板塊輪動炒能源金融股|華爾街戰線

跌市因素逐個睇 難玩可以唞一唞 板塊輪動炒能源金融股|華爾街戰線

BossMind | 2021.09.30

閱讀全文,歡迎加入會員

已是會員? 登入帳號

如果要為呢兩日(科技股)跌市搵原因,有通賬、債息、收水、債務上限等等可以講,勉強去解釋就係所謂完美風暴,亦都係做足預告,最後到真係跌時,個講法就係市場正視風險。即係點?可以逐個因素講下。


份份頭條都係講跌市原兇之一就係債息急升,10年期債息作為無風險利率指標,債息升上1.5厘,令股市相對吸引力減低,以標指市盈率26倍去計,每投資100元可以帶來3.8元盈利,即3.8厘earning yield。


所以當無風險利率指標向上時,股票價格會跌,令earning yield上升去維持一個足夠的吸引力,例如每投資100元要有5元盈利。而債息升的另一點,就係令未來的收入價值減低,對增長型股票不利。


講到無風險利率,隔幾年就會出一次美國國會爭拗債務上限,如不通過就會違約,到時所謂無風險應該點定義?Deadline係10月18日,最新係達成短期撥款協議,可以拖到12月3日,好似係例牌動作。


至於收水及加息?鮑威爾講法基本係一樣,距離加息仍然有距離。新少少的講法係供應鏈緊張會推高通賬,情況較想像中維持一段較長時間,但整體都係短暫的transitory。


同期美國1蚊店Dollar Tree(DLTR)宣佈加價至1.5美金不等,刺激股價急升16.5%。


拉闊少少則見到醫療、消費品及公用股有得升。拉長少少睇,標普500指數調整幅度仍然未到5%。如果你有打散投資組合的話,的確唔覺痛。


不過我唔係分散投資的,而且相當集中科技股,納指得1成個股企喺20天線樓上。貴同升得多嘅要跌,例如疫苗股MRNA及BNTX較高位回落兩成及四成﹔熱炒科技股八五折,如S DOCU CRWD DLO AMD SQ NET等等。


美股入場指南講到的股價>20天線>50天線>200天線,仍然搵到400幾隻個股,主要見到能源股及者金融股,想搵嘢炒入面堆野贏面高過撈科技股。


結論係等上面堆因素發酵,如果呢兩日撈就舖舖高開低走,無乜著數。


https://docs.google.com/spreadsheets/d/18qDDQBT7tR0NdbcUYuGCmPX0-JBDvvAQ0Psc2q4v_ic/edit?usp=sharing


——————

密切留意BossMind動向!立即CLS

▴FB

▴Instagram

▴Youtube

跌市因素逐個睇 難玩可以唞一唞 板塊輪動炒能源金融股|華爾街戰線
BossMind
 | 2021.09.30

Work hard. Have fun. Make history. 我們將以BossMind作為重新出發的起點,透過不同文章、節目,助大家深入淺出了解財經大事。盡早達成財務自由,未來的生活質素,由自己作主。Be your own boss.

分享這個帖子
文章精選