華爾街戰線|市況轉弱遇上超預期通賬 AI貸款平台UPST業績見光死 |杜昇

華爾街戰線|市況轉弱遇上超預期通賬 AI貸款平台UPST業績見光死 |杜昇

杜昇 | 2021.11.10

10月通賬數據出爐,CPI按季升0.9%,高於預期的0.6%﹔按年升6.2%,創1990年來新高。又再考驗聯儲局會唔會提早收水加息,仲可唔可以維持通賬只係短暫(transitory)睇法,或者最少市場會因應做調整。 而又咁啱個市升足成個月,似乎有個好好嘅藉口調整。指數回緊,但幅度唔算大,但個別熱炒股回調頗深,包括TSLA UPST,或者NVDA AMD都頂唔住要回。 減剩一半倉左右 唔撈嘢住 睇法update: S CRWD:隔晚成個板塊向上 食咗本身都唔揸多嘅S AMD︰144止賺咗先 下面𠴱隻先係最大信念 NVDA︰唔郁 如果有更深嘅調整先撈 ABNB DOCN︰Keep住的兩隻 相信係今季會跑贏嘅選擇 PLTR︰留低3份1 擺住先 警醒住自己 睇埋兩隻業績股︰ AI貸款平台Upstart(UPST) 單睇UPST業績幾好,但支持唔到年內5倍嘅升幅,12個月總收入621M,以跌兩成後的市值180億計,市銷率由高峯時期70倍回到最新29倍左右。 回歸基本步,AI貸款仍然處於初期,而市場潛力龐大,包括個人、汽車及房屋按揭,達到4.5萬億。AI貸款成功率慢慢由15%,升至經調整後有23%,促成金額亦都季季創新高。分開股價及業務去睇,AI貸款並無走樣,只係大家要求高咁解。 值得留意原來UPST曾被攻擊﹐惡意向AI系統查詢,以拉低成功率(conversion rate),所以最終數字唯有係相信管理層如何判斷,令到AI貸款成功率參考價值減低。 另一邊,隻Coinbase(COIN)的Q3收入就意外地得12.4億元,按季大跌4成,對比分析師預期的15.7億元,管理層歸究Q3 Bitcoin大冧,以及波幅收窄令成交減少,往後業績似乎會更難估。 Palantir (PLTR) 關於PLTR,正正因為業績各項指數都好過預期,而太過進取搞到賭輸業績。同時Cathie Wood再次接飛刀,總共撈咗近1500萬股,大約3600萬美元。但今時唔同往日,呀木撈貨對PLTR幫助未必太大。 因為輸PLTR輸足一成,Airbnb(ABNB)又調整緊,所以就無謂加重壓力考驗自己去撈Tesla。

__________________________________________________________

密切留意BossMind動向!立即CLS

▴FB

▴Instagram

▴Youtube

華爾街戰線|市況轉弱遇上超預期通賬 AI貸款平台UPST業績見光死 |杜昇
杜昇
 | 2021.11.10

炒股大可以取易不取難,過往10年標普500指數平均有10%回報,美股唔缺好嘅公司好嘅股票,但資訊往往只係佔傳統媒體一個角落,冇人做?咪我哋做!杜昇同大家做Live、研究、睇圖、避股災,無限重覆再重覆,倉位gogogo!

分享這個帖子
文章精選
騰訊少賺2%遜預期 升級系統防未成年人打機