美Bitcoin ETF有望獲批 台積電績後新啟示 蘋果食盡智能電話市場|華爾街戰線

美Bitcoin ETF有望獲批 台積電績後新啟示 蘋果食盡智能電話市場|華爾街戰線

BossMind | 2021.10.15

閱讀全文,歡迎加入會員

已是會員? 登入帳號

今日市場焦點繼續落係Bitcoin,彭博引述消息指美證監SEC有望批准Bitcoin ETF,最快下個星期可以交易。消息刺激Bitcoin抽高至59400水平,有望挑戰前頂65000美元水平。


相關概念股跟住炒,早前話推NFT交易的Coinbase(COIN)連升兩日或6%,見265美元。作為參考,Coin喺bitcoin6萬5時上市,當時股價350元一直尋底,雖然一向唔跟升,但Coin似乎落後得幾多,分析師平均目標價個upside有近三成,望緊去335元,即IPO水平。


台積電(TSM)


台積電Q3業績及Q4預期都較預期好,毛利率亦都有改善。不過個人業績會議上部份關鍵問題,似乎難以令股價向上衝。


首先個故事仍然係台積電管理層同意係短線受惠供應鏈緊張,部份晶片股需要提高存貨,但當緊張狀態解除後會點,萬一到時班客大幅cut單會點?TSM不排除會發生呢個情況,不過預期2021至2022年都會維持供應緊張,萬一真係有周期調整的話,認為台積電波動較細,基於長線需求增長無減。


換句說話,最受惠呢刻供應緊張的唔係台積電,既要投資開廠,又要顧及往後產能效率,但管理層似乎俾個訊息係穩陣最重要,更多係為潮退時做準備。


所以呢到筆者要改口,如果短期內買半導體股,股價表現角度,TSM未必係最好選擇,只係當調整來到時,佢會企得最硬淨。


而台積電預期到2022年供應緊張呢個訊息,對行業都係正面,半導體ETF SMH連升三日或5%。


蘋果(AAPL)


研究機構Counterpoint截至Q2 2021的報告﹐指出蘋果(AAPL)霸佔全球智能電話市場利潤的75%,大幅拋離第2位的三星62個百分點。如果按出貨量計,貴精不貴多的蘋果只佔市場13%。


——————

密切留意BossMind動向!立即CLS

▴FB

▴Instagram

▴Youtube

美Bitcoin ETF有望獲批 台積電績後新啟示 蘋果食盡智能電話市場|華爾街戰線
BossMind
 | 2021.10.15

Work hard. Have fun. Make history. 我們將以BossMind作為重新出發的起點,透過不同文章、節目,助大家深入淺出了解財經大事。盡早達成財務自由,未來的生活質素,由自己作主。Be your own boss.

分享這個帖子
文章精選