是日短評 港股暴跌1,129點 騰訊插近8%!!!

是日短評|港股暴跌1,129點 騰訊插近8%!!!

盧卡股 | 2021.07.27

閱讀全文,歡迎加入會員

已是會員? 登入帳號
內地連環收緊監管,科網股、教育股等多個板塊爆恐慌,港股單日暴跌1,129點或4%,並創下今年最低位,一舉殺破多個牛證重貨區;科技指數亦見歷史新低,大市全日成交額高見2,682億元。北水再錄流出逾63億元,近六個交易日共流出236億元。
藍籌股中,「ATM」全面受壓,成拖累大市的最大元兇。騰訊(700)遭勒令放棄音樂串流獨家版權,跌近8%,收報490元;尾市傳出市監局等7部門指引維護外賣員權益,美團(3690)急跌近14%;阿里(9988)亦跌逾6%,連帶其他科網股如快手(1024)、微盟(2013)紛紛跌逾一成。
教育股跌勢持續,受內地「雙減」正式落地影響,新東方(9901)再跌47%,低見16元,股價兩個交易日蒸發近七成;思考樂教育(1769)及新東方在綫(1797)亦分別挫逾45%及33%。
另外,物管股亦成跌市重災區,其中世茂服務(873)瀉近兩成,碧桂園服務(6098)及華潤萬象生活(1209)亦分別跌近17%及14%。不過,港股暴跌下仍有逆市奇葩,半導體股獲資金追捧,中芯(981)升逾一成,報24.15元;華虹半導體(1347)升6%,收報42.5元。
港股在如此劣勢之下,究竟股民應如何自處?後市仲可以點睇?
恒指大成交插穿今年低位,「真係弱到不得了」,目前只宜靜觀其變;板塊方面,在內地監管政策沒完沒了下,除了科網股及教育股受累,醫藥股亦憂慮成為下一個監管對象,同樣未宜低撈。
港股跌1129點,到26192點已經穿晒位,原因主要有兩個,第一個就係內地嘅教育股因為國策改變,中概股美股嗰邊散晒,帶到港股呢邊都散埋,輪流淪陷。
另一個原因係騰訊畀人罰,騰訊音樂要佢30日內要搞掂晒佢,變咗兩個壞嘅原因trigger到跌市,不過留意返今日個成交都幾大,2600幾億,個感覺係斬倉同埋火燒連環船嘅感覺,唔知係咪基金可能重倉教育股,今日咁樣隊焗住要斬,唔知係咪要借住透過科網股做孖展,變咗教育股要斬,所以科技股要沽埋落去,物管股或醫療股驚埋一份。
你話個市係咪跌完,冇人夠膽咁講,只不過話大跌市,呢個成交會加速咗見底嘅時間,唔使陰跌咁陰公。你話撈底時機,都係嗰句啦,你睇吓自己有幾重倉,你成手科技股新經濟股,蟹晒咁撈乜鬼底,留返啲錢好過啦。
如果你好輕倉,或者冇乜科技股,呢啲分注買吓撈吓﹐小試無妨,即日博反彈就自己計算啦,自己計值博率,牛熊自己計晒數,如果收咗冇問題,用個金額去博都OK。
想知更多?記住留意BossMind星期二12:45的《港股直播:午市幫拖》,Facebook、YouTube同步直播,到時有唐牛古天后炒股日記、盧卡股為大家解答問題!
——————
是日短評|港股暴跌1,129點 騰訊插近8%!!!
盧卡股
 | 2021.07.27
分享這個帖子
文章精選